首页 > 如何利用半天时间尽可能地游玩香港?

如何利用半天时间尽可能地游玩香港?

互联网 2021-04-20 05:25:34
提喺香港旅遊,大家第一印象幾乎都係買!買!!買!!!去香港只有shopping?那你就實在太了解香港啦!香港除咗shopping地方多,食嘅地方多之外,還有很多隱藏在周邊的地方未被大家發現。如果你問我如何利用半天盡可能遊玩,我會有幾個私房建議給到大家:

1.屏山文物徑

一早來到香港,我會更建議您來一場探訪歲月古跡嘅懷舊之行。屏山文物徑位於香港新界元朗區屏山鄉,環繞坑頭村、坑尾村、塘坊新村、洪屋村、橋頭圍、灰沙圍及上璋圍,長約1公里。

喺深圳灣過關嘅朋友仔,可以搭乘B2巴士至屏山站落車,再步行5分鐘度就到啦!從落馬洲過關嘅朋友仔會稍微麻煩少少,不過都可以先搭巴士到達元朗,之後搭乘西鐵至天水圍站,或者搭乘輕鐵至屏山站再步行5-10分鐘即可到達!

喺徒步屏山文物徑嘅過程中,會經過多座典型中國傳統建築物。呢度有香港唯一嘅古塔——聚星樓,以及多個古意盎然的圍村、宗廟。我地可以從珍貴的歷史古跡中,了解早期香港鄉村的生活文化。

早晨踏足喺呢片歷史遺跡,忽然間會感覺到時光在流轉。那令人懷緬嘅舊時光漸漸逝去,留低俾後人嘅只有想象……

行行下有啲頸渴?唔洗驚,呢度仲有飲咗人人都俾Like嘅紅蘿蔔羅漢果茅跟竹蔗水。特別係行到身水身汗之時飲翻啖,實在大快人心。位姨姨落足料,用最傳統嘅方法煲足時間。啲料嘅味,完全出曬到支涼茶度,真係唔係講笑嘎!

正對面仲有阿叔花生糖!全部手工製造,夠曬煙韌,啲花生亦炒得非常香酥,食過翻尋味嘅人唔少。另外,睇下下面張相,好似仲有唔少名人同媒體報道過!行過路過,就千其唔好錯過帶份翻去留作手信啦!

到佐午飯時間,肯定要穩翻個地方hea下!喺呢度必須極力推薦余文樂都由細食到大嘅華嫂冰室。山長水遠都要入黎食,華嫂果然有FACE又有FANS!

提醒下大家,華嫂冰室嘅營業時間為:星期一至星期六 8:00-17:00,13:00-14:00休息。所以大家記得千其唔好星期日過去啦!另外,之前見唔少人認為下就14:00先開,所以就揀提前15分鐘度去排隊!點不知去到時,尤其係星期六,啲籌已經唔知拎到邊度去啦~所以,建議大家最好提前起碼半到一個鐘去吧,怕曬嘅記得擔把埋遮了喂!

先嚟翻個招牌芝士咸牛肉豬仔包先,烘至微暖,啲芝士都幾乎溶掉喺個包上。融化嘅芝士,煎得水嫩嫩嘅蛋,加上咸香芝士同牛肉,包又夠軟熟,真係正到冇得彈呀!

飲奶茶,記得要點冰花嘅,濃郁絲滑,大快人心!

再嚟碗人見人愛嘅鮮茄豬扒雞翼通,個雞翼味道帶甜似瑞士汁,豬扒煎得剛剛好又大大件。湯底超濃郁,可以見到好多茄蓉,酸酸地好開胃。通粉就索晒啲湯汁,超正!

華嫂真係落足料,認真對待每一件小食品,將香港嘅地道美味發揮得淋漓盡致。可見每件小事,認真做就會成為專家。

2.下白泥睇日落

都話“日出鳳凰,夕照白泥”,係新界下白泥睇日落,係香港很多鐘情郊野人士公認嘅最美自然景觀!與此同時,唔少人都話“想要睇最靚日落同談最美戀愛”,就一定要到下白泥!

到下白泥睇日落,同樣最方便嘅係可以先到深圳灣/福田口岸坐車到天水圍,再轉新界專線33路小巴到達。如果喺上面提到嘅屏山到下白泥,都算幾方便下。可以到坑尾村/上璋圍站搭乘新界專線33路小巴,即可到達下白泥!下白泥屬於比較偏遠嘅地方,乘坐嘅小巴唔會站站停哦。所以大家第一次坐嘅時候,記得同司機講要係“波叔鴨子坑釣魚場”落車!

下白泥日落因有大片泥灘做襯托,堪稱全港最美日落!不過想要睇到最美日落并唔容易,需要好天氣嘅同時,仲要有黃昏退潮配合先得!所以,查實一年就只得兩三個月能見到天色變化大嘅日落,睇唔睇到都要碰下運氣啦~(夏天機率會更大哦

不過,只要有愛人喺身邊。慢慢一齊望著夕陽漸漸遠去,又何嘗唔係一場很好嘅邂逅?

3.大棠賞紅葉

每年踏入12月,都將迎嚟香港元朗大棠嘅一大盛事——紅葉節! 如果話元朗大棠係香港賞楓的「發源地」,相信沒有人會異議。早年漁護署在大棠種植了為數甚多的楓香樹,現已甚具規模。

在漁護署苗圃至吉慶橋間的大欖林道─大棠段的車道兩旁,紅葉尤多。由於大棠的楓香甚多,紅葉繁盛,加上傳媒的大篇幅的報導,近年已成為賞紅葉的熱點。

2016年漁農署更舉辦首屆紅葉節,相信會令前往大棠賞葉嘅人更多!除咗賞葉同影像之外,仲可以參加紅葉導賞、手工工作坊、攤位遊戲及相片展覽等活動。不過大家喺賞大棠紅葉時,亦要注意唔好破壞環境啊!

賞楓建議路線

1. 大棠山道路口落車;2. 沿路直上;3. 經過大欖郊野公園燒烤場;4. 經過漁護署苗圃;5. 大欖林道(中途有楓樹小沙丘);6. Y字路口右轉,到達吉慶橋休息處

前往方式:

於港鐵朗屏站B2出口乘搭K66巴士(K66於星期六、日、和公眾假期加開的特別班次,將不設中途站。)在元朗千色廣場停車場入口對面(紅棉圍) 乘大棠紅色小巴到大棠山道路口下車。另外,查實打車都好方便,落馬洲過去都係120HKD度啦!

呢個係我1月初前往拍攝嘅相片!

秋天嘅紅葉,格外惹人注目。紅葉的顏色變化,也似蘊含了各種情感:艷紅色的果敢;昏黃色的浪漫;即使在枯萎落下時,也有一種淒美的感覺。給處於亞熱帶嘅香港,帶嚟一絲絲詩意。

先同大家介紹住三個我摯愛嘅元朗值得花上半日時間好好遊賞嘅地方,歡迎各位多多交流同得閒約起呀!@廣玩港食(samueltse66) 係我嘅公眾號!(原名:@廣東人fred)長期扎根港台深廣,帶你以like a local嘅方式領略世界各地旅遊風光、當地美食以及文創趣聞!

免责声明:非本网注明原创的信息,皆为程序自动获取互联网,目的在于传递更多信息,并不代表本网赞同其观点和对其真实性负责;如此页面有侵犯到您的权益,请给站长发送邮件,并提供相关证明(版权证明、身份证正反面、侵权链接),站长将在收到邮件12小时内删除。