首页 > 滅蟲攻略:曱甴怕甚麼?如何消滅小強?蟑螂防治教學 (2020更新) | 裝修佬

滅蟲攻略:曱甴怕甚麼?如何消滅小強?蟑螂防治教學 (2020更新) | 裝修佬

互联网 2021-04-19 04:55:28

蟑螂防治10種方法●梳打粉加糖:糖同梳打粉各一半混合係個碗度,擺係蟑螂經常出沒地方便可; 

●糖水:蟑螂喜歡香甜味道。可揾個空空樽,放3羹糖,加半碗滾水冲開做饵,擺 係蟑螂活動嘅地方,蟑螂聞到香甜味後,就会爬入陷阱中;

●芝麻油 :蟑螂有入無出? 用細口長頸玻璃樽,入面放啲香甜食物,樽口塗啲芝 麻油,因爲樽口太滑,蟑螂就會滑入而無辦法走;

●洗衣粉:洗衣粉係高效誘殺蟑螂嘅藥引,功效勝過一啲化學殺蟲劑,將洗衣粉 撒係蟑螂可能出沒嘅地方,佢食咗洗衣粉後就會死;

●黏膠: 蟑螂鍾意捐窿捐罅嘅習性可以有效利用,用一個紙盒,蓋埋開小小罅位 ,盒入面塗黏膠,擺啲新鮮麵包碎,等蟑螂入去偷吃而被黐住;

●熱番梘水:將一舊番梘加入4升熱水度,溶解後直接噴係蟑螂度,可有效殺滅蟑螂;

 裝修佬話你知:消滅蟑螂我有計

●橙皮、檸檬皮:將橙皮、檸檬皮曬乾後,放係櫥櫃,唔單止有有淡淡果香作用,仲起到一定嘅防治曱甴嘅效果;

●硼沙、麵粉、香油、糖: 將少許硼沙、糖同麵粉混和,然後滴入幾滴香油,攪成一舊,完成後放係紙筒便可;

●填縫膠清除蟑螂活動空間:蟑螂最喜歡係裂縫空間活動,用彈性填縫膠填補裂縫,冇地方俾蟑螂活動自然同蟑螂講byebye啦;

●蟑螂怕黃瓜:蟑螂驚黃瓜味,可以將新鮮黃瓜放係櫥櫃度,蟑螂就唔敢接近,新鮮黃瓜擺兩三日後再切開,令其繼續散發黃瓜味,驅除蟑螂;

●曱甴可被洋蔥驅走:如果係室內放一盤切好嘅洋蔥,蟑螂聞後會立即走夾唔透,同時仲可延緩室內其他食物變質。

裝修佬溫馨提示 

小强係每個屋企都會出現嘅生物,佢哋無處不在,想要從根本上消滅小强,應該清除小强賴以生存嘅環境條件,保持室內清潔,將垃圾及時清理,並將餐具用熱水清洗乾淨,爐灶等地方要定期清潔。

小强係雜食性害蟲,耐飢唔耐渴,係屋企滅小强時要封鎖水源,保持室內乾燥,唔好有任何漏水地方,尤其係廚房,食唔曬嘅食物及時要密封,放入雪櫃或密封容器。

想了解有關消滅蟲患的資訊,請瀏覽裝修佬專欄:

梳打粉的六大妙用與使用禁忌

家居害蟲篇- 蟲蟲特攻隊(上)

家居害蟲篇- 蟲蟲特攻隊(中)

家居害蟲篇- 蟲蟲特攻隊(下)

免责声明:非本网注明原创的信息,皆为程序自动获取互联网,目的在于传递更多信息,并不代表本网赞同其观点和对其真实性负责;如此页面有侵犯到您的权益,请给站长发送邮件,并提供相关证明(版权证明、身份证正反面、侵权链接),站长将在收到邮件12小时内删除。